2026/05/20 by Jane Gatley, Janet Oostendorp-Godfrey · 1 voice
Arts and Humanities · Social Sciences · #Education and Technology Integration #Historical Studies of British Isles #Public Spaces through Art
paper · pdf · doi:10.16922/wje.28.1.5cym
openalex publication_date 2026/05/20 · openalex created_date 2026/05/22 · openalex updated_date 2026/06/26
Mae’r Cwricwlwm newydd i Gymru yn canolbwyntio ar bedwar diben, sy’n adlewyrchu gwerthoedd a nodau addysgol. Yn ategu’r pedwar diben mae pwyslais ar ymreolaeth athrawon wrth gynllunio’r cwricwlwm. Athrawon sy’n gyfrifol am ddehongli a gweithredu pedwar diben y Cwricwlwm i Gymru wrth iddo gael ei gyflwyno mewn ysgolion o fis Medi 2022 ymlaen. Ar sail saith cyfweliad ag athrawon mewn ysgolion uwchradd yng Nghymru, mae’r papur hwn yn dadlau’r achos bod gofyn i athrawon gyflawni tasg gymhleth a fyddai’n elwa ar gymorth arbenigol. Rydym yn awgrymu tri adnodd athronyddol a allai fynd i’r afael â’r heriau hyn a chaniatáu i’r Cwricwlwm i Gymru gael ei weithredu mewn ffordd sy’n blaenoriaethu ei bedwar diben.