2025/01/01 by Real Academia Galega, Ana Boullón, Luz Méndez · 1 voice
Arts and Humanities · Social Sciences · #Basque language and culture studies #Galician and Iberian cultural studies #Medieval Iberian Studies
paper · doi:10.32766/rag.456
openalex publication_date 2025/01/01 · openalex created_date 2026/02/19 · openalex updated_date 2026/06/11
Galicia ten preto de 1 500 quilómetros de litoral. Á riqueza da microtoponimia que presentan as terras ribeiregas, debemos engadir a dos nomes das áreas mergulladas, as realidades invisibles dos fondos mariños. Os pescadores coñecían ben eses nomes, pois advertíanos dos perigos que podían representar as pedras baixo as augas ou dos lugares onde había abundancia de determinado peixe. Do mesmo xeito que a microtoponimia do mundo rural está en grave risco de esquecemento, os topónimos do mar sofren aínda máis cos cambios profundos que trouxeron a tecnoloxía da navegación e a industrialización da pesca. Dos nomes do mar, dos accidentes xeográficos e dos elementos relacionados con el, tratou a X Xornada de Onomástica Galega, concretamente da talasonimia e a naonimia.